عمود الدين

قالوا علامك شاردن قلت منصـاب

قالوا صويب الجرح يـدَّا الطبيبـي

قلت الصراحة فكري اليوم مرتـاب

بأسباب نـاس يفعلـون العجيبـي

قالوا هلك وإلا بهم بعض الأغراب

قلت الغريب إبليس منهـم قريبـي

أقرب لهم من موقع الضرس للناب

معهم جلس لو كان زولـه يغيبـي

خمس الفرايض غلقوا دونهن باب

ناداهم المـذن ولا احـدن يجيبـي

عن طاعة الرحمن لاهيـن لعـاب

وياويله اللـي للمعاصـي رغيبـي

مهمل "عمود الدين " للهم كسـاب

صـدر يضيـق وعلتـه ماتطيبـي

لو قال أنا مسلم ترا القـول كـذاب

عن ديننا - من لا يصلي - غريبي

بيت الشعر لو زوو فيـه الأطنـاب

عموده أليا طاح يصبـح خريبـي

ياسامعي حذراك تغويـك الأطيـاب

من يعمـل لدنيـاه ماهـو لبيبـي

دنياك ماتسوى ولا حفنـة تـراب

جميع من يطلب رضاهـا يخيبي


للشاعر غنام محسن عبد الله التميم